Комедиядан бас тартамын деген Қайрат Әділгерей әзіл жанрындағы тағы бір фильмнің түсірілім алаңынан көзге түсті. Айтуынша ұсынысты қабыл алуының өз себебі бар. Жанболат Найзабеков, Айнұр Ілиясова сынды әзіл әлемінің үздіктері жиналған картинаның түсірілімі қалай жүріп жатыр? Туынды трайбализм тақырыбынан басқа қандай мәселені қозғайды? Толығырақ Дүрия Қыдырбек тарқатсын.

Киноиндустрияның дәстүрлі рәсімі бойынша тәрелке шағылды. Осылайша Tiger film кинокомпаниясы 46-фильмінің түсіріліміне кірісті. «Руың кім?» деп аталатын туындыда трайбализм тақырыбы қозғалмақ.Фильмнің желісі бойынша қарапайым отбасынан шыққан жігіт пен байдың еркетотай қызы шаңырақ көтеруге сөз байласады. Бірақ оларды үлкен сынақ күтіп тұр. Гәп қос отбасының әлеуметтік жағдайында дерсің. Бірақ мәселе рудың төңірегінде.

Жанболат Найзабеков, актер:

– Жеті атасын білмеген жетесіз дейді. Біз руға бөлінбейміз. Рудан құраламыз. Дей тұрғанмен де әр бала руын, шыққан тегін білсін деп руын үйретіп қояды. Бірақ оны бөлінсін деп үйретпейді. +Жалпы бөлінбеу керек қой негізі.

Coco Janbo бұл фильмде қалталы азаматтармен құдаласатын қарапайым құрылысшы. Ал оның жарын актриса Лаура Мырзахмет сомдайды.

Лаура Мырзахмет, актриса:

– Кейінгі кезде драмалық образдармен көрермен көңілінген шығып жүрдіңіз ғой. Комедияда қалай қабылдайды деп ойлайсыз?

Білмейм, мен комедийный актриса емеспін, бірақ комедияға көп шақырады, мүмкін менен бірдеңе көретін шығар.

– Адай руы өкілін сомдайсыз, иә?

– «Дзәтқа айтып жатырсың?». Мен енді оңтүстіктің қызымын ғой. Осы фильмде батыстың тілімін сөйлейтін сахналарым бар. Сол батыстың тілі қиынға соқты.

Жанболат пен Лаураның қалталы құдаларын Қайрат Әділгерей мен Айнұр Ілиясова сомдайды. Актерлерден түсірілім барысы қалай өтіп жатқанын сұрадық.

Айнұр Ілиясова, актриса:

– Негізі барлығы бір локацияда өткені актер үшін ыңғайлы. Бізде комфортты условия болды. Ыстыққа күймедік, суыққа шықпадық. Бір образда. Бұл да жақсы. Ал енді бұл жерде барлығын, бүкіл киноны бір локацияда, бір дастархан басында ұстап отыру актерлық шеберлікті талап етеді. Сондықтан барымызды салдық. Ертең нәтижесін халық айтар.

Қайрат Әділгерей, актер:

– Өткенде маған берген сұхбатыңызда айттыңыз «енді комедиядан бас тартамын!», деп. Болмады ма? Гонорар ұнап қалды ма? Сценарий ме?

– Ең алдымен шығармашылық қызық. Жылдық басында 8-9 ұсыныс түсті. Бірақ «Руың кім?» маған қатты ұнады. Бұл комедия ерекше орын алатын сияқты кинокарьерамда. Сондықтан бас тарта алмадым.

Қос ғашықтың рөлінде актриса Мерей Мақажан мен актер Айбек Әзімбек. Сезімдері екі отбасыны әбігерге салғанымен олар махаббат жолында берілмек емес. Тіпті шежірешіге жүгініп, құйтырқы жоспарларын іске асырмақ.

Мерей Мақажан, актриса:

– Айбекпен баланыс қалай болып жатыр?

– Айбекпен байланыс күшті. Бұл бірінші таныстығымы, алғашқы жобамыз.

– Химия жоқ па араларыңызда?

– Химия бар ма жоқпа оны байқарсыздар...

– Бәрі мүмкін бе?

– Иә, бәрі мүмкін. Білмеймін. Ол енді арамызда қалсын.

Түсірілім алаңында білек-сыбана қызмет етіп жүрген шығармашылық ұжымның еңбегінің нәтижесі жуырда үлкен экранда.