«TAN» қауымдастығы желаяқтарға арналған жаңа жобасынын таныстырды! Бұл еліміздегі ауқымды спорттық шараның презентациясы. Масштабты жоба тек салаутты өмір салтын ғана емес, мәдениетімізді де насихаттайды.

Ержан Бірімжанов – «Смелость быть первым» қорының директоры:

- Біздің одағымыздың ерекшелігі – тарихымыз бен мәдениетіміз. Яғни, біз түркітілдес халықтармен байланысты. Ал оның төңірегінде бірігіп жоба жасауымыздың өзі біздің ең басты ерекшелігіміз деп ойлаймын.

Алдағы дайындық жұмыстары өте қызу жүріп жатыр. Ұйымдастырушы ұжым: «әр детальға мән береміз, өйткені кәсіби және әуесқой спортшылар үшін жоғары сапада қызмет көрсету маңызды» -дейді.

Салтанат Қазыбаева – «Almaty Marathon» директоры:

– «ТАN» жобасы аясында бір жылдай жұмыс істедік. Біз түркі тілдес елдердің тарихын көптен бері зерттеп келеміз. Өйткені жалпы түркі тілінде ТАҢ сөзі таңды және күннің шығуын бейнелейді. Сол себепті TAN логотипінде осыны көрсеттік.+Шамамен бір жыл бұрын – Қырғызстан, Өзбекстан және Әзірбайжандағы серіктестерімізбен жұмыс істей бастадық.

Бұл оқиға түркі мәдениеттерінің бірігуін және халықаралық спорттық туризмнің дамуын білдіреді. 4 бірдей мемлекеттің марафондар сериясын сәтті аяқтаған қатысушы медаль иегері атанып, жеңіл атлетика бойынша халықаралық деңгейдегі жүгіруші атағына ие болады.

Ержан Бірімжанов – «Almaty Marathon» директоры:

– Біздің марафонға қатысу үшін әр қаладағы жартылай марафондарға қатысу керек. Қазақстанда қыркүйек айының соңында Алматы марафоны, сондай-ақ қазан айының соңында Түркістан марафоны өтеді. Қосымша Әзірбайжан елінде Баку қаласында бар. Қатысушы біздің барлық марафонды жүшіріп өтсе, ол жеке бірегей медаль алады, бұл осы серияны аяқтағаны үшін сыйлық болып есептеледі.

Еліміздің дамуына үлес қосып жатқан бірқатар белсенділерге әлемге әйгілі «Abbott World Marathon Majors» марафон сериясы жаңа жобаны дүниеге әкелуге шабыт берген екен.

Әлемдік деңгейдегі марафоннан қалыс қалмайтын ТАН қауымдастығының жұмысы ауыз толтырып айтарлық. Спортсүйер қауым тек түрлі алаңда жүгіріп қана қоймай, рухани демалыс та жариялай алады. Бұл дегеніміз жоба ұйымдастырушылары қатысушылар үшін марафоннан тыс тематикалық көрмелер мен концерттермен қуантатын болады.

Қымбат Нұрдәулет – Еріктілермен жұмыс істеу жөніндегі маман

– Алматы және Бішкек Snow Leopard Run марафондарынан түскен жарналардың бір бөлшегі қайырымдылыққа жұмсалатын болады.

Аталмыш марафонға қатысу үшін 18 жастан ассаңыз болғаны. Ал ең бастысы 6 сағаттың ішінде 42 шақырымды жүгіріп өту қажет. Сонымен қатар марафоннан жиналған қаражат қайырымдылыққа жұмсалатынын айта кетейік. Ендеше спортты жанына серік еткен көрермен жақсылық жасау жолында аянып қалмаңыз!