Қазына Әбдіғапбар, @kazyna_abdigapbar :

Әлеуметтік желіде әрбір контенті миллионнан аса қаралым жинайтын блогер әрі актриса Сабина Мовлаева бүгін 27 жасын дүркіретіп атап өтпек. Блогерлер бас қосатын бүгінгі пати сценариі «Игра в кальмара» ойыны желісінде тойланбақ. Ойыншылар - қонақтар, ал Сабинаның рөлі қандай? Оны білу үшін қолымдағы арнайы форманы киіп, қатарға жайғасайын. Кеттік...

100-ге жуық танымал қонаққа Сабина Мовлаева арнайы форманы шақырумен бірге таратқан-ды. «Өйткені дресс-код сақталмаса, туған күн ойындары мен негізгі жоспары жүзеге аспай қалады»,-дейді.

– Туған күніңізбен! Туған күн стилистикасы «Игра в кальмара» фильміне негізделген. Не себепті, бұл кімнің идеясы?

Сабина Мовлаева, актриса, блогер:

– Командамның идеясы, Кореяда ол кино қазір хит болып жатыр, трендте. Сол себепті, осылай қызық болады деп, онымен қоймай қазір барлығы көйлекпен келіп, ыңғайсызданып, шаршап каблукпен жүргенше, одан да спорттық киіммен қолайлы болар деп ойладым. Ойындар және сыйлықтар, басты ұтыстар күшті сыйлықтарымыз бар.

– Демек, туған күн толығымен ойынға негізделеді, ойын болады иә?

– Иә, ойын, тілек айту деген болмайды, мен оны өзім де ұнатпаймын. Сол себепті, ойын болады. Тек қана мен басында менің шығатын сәтім болады , сол үшін ғана кидім бір 20 минутқа осы көйлекиі. Сосын ауыстырып аламын.

– Туған күнге біраз шығындалған сияқтысыз, иә?

– Иә. 12 млндай кетті. Оның өзі тек киімдерге және ресторанға. Ал қалғанын айтпай-ақ қояйын.

Индира Сабирова, актриса:

– Қыздардың үлкен проблемасы тойға, жиынға «не киіп барамын?» деген иә? Сонымен мынаны ашып қараған кезде ешкім ешкімді сынамайды, бәрі бірдей киінеді, образың қанша тұрады деген сұрақ болмайды бүгін.Сондықтан да өте керемет идея.

Алайда қонақтар қатарында дресс-кодты сақтамағандар да болды. «Сезім бағы» бағдарламасының жүргізушісі Камила Саянқызы жары Әлібектің арнайы киімі болмай, тіпті сол үшін ренжісіп қалғанын мойындады.

Камила Саянқызы, «Сезім бағы» бағдарламасының жүргізушісі:

– ХХL киім жіберген ғой Сабина, ол сыймай қалды. Әрі тартты бері тартты, сонымен баяғыда бірінші сезоны кезде «Игра в кальмараның» бізде өзіміздің формамыз болған негізі. Мен лақтырып жіберген сияқтымын... Сонымен екеуміз бүгін қырылып, сен неге лақтырасың, ал сен неге арықтамайсың деп екеуміз сөз таластырып, кешігіп келдік.

Ал Нұрбек пен Амина әдетінше ерекшеленуді ойлаған.

– Сіздер өз формаларыңызбен келіпсіздер. Не себепті?

Нұрбек Нұртаза, блогер:

– Біз бұл форманы негізі 1 сезон шыққан кезде фотосессияға тіктіргенбіз. Біз ойладық көбісі киіп келмейтін шығар, өзіміздің нұсқада киінейік деп.

Жиналған қонақтар стримингтік сервисте танымал топ төрттікке кірген телехикаядағы түрлі ойындарды ойнап, барын салды. Жеңілгендердің реттік номерін қызыл киімдегілер алып қойып, жарыстан шығарып отырды.

Блогерлер арасындағы жарыста соңына дейін ат салысып, жеңіске Серік Ибрагимовтың жары Айнамкөз Әбдима мен актриса Нарқыз Айдарова жетті.

– Сабинаға қандай сыйлық әкелдіңіздер?

Нұрбек Нұртаза, блогер:

– Браслет Pandora

– Кімнің таңдауы?

– Мен таңдадым, иә. Жаңа кәсіп бастап жатқан соң, барлығы оңынан болсын деген ниетпен. .

– Құттықтап жатқандар көп шығар.Ең алғаш қолыңызға қандай сыйлық алдыңыз, кім берді?

Сабина Мовлаева, актриса, блогер:

– Ең алғашқы сыйлық – ақшалай сыйлық. Бір досым жіберді ақшалай сыйлық.

– Шымкенттік досыңыз емес па?

– Ол түнгі 12- де хабарласты, видеоқоңыраумен.

– Келмей ма бүгін?

– Білмеймін, келуі керек.

– Көлік сыйлайды дегенді естіп қалдым. Кім-кімге темір тұлпар сыйлайын деп жатыр?

– Расымен ба? Мен білмеймін... Естімедім.

Мовлаева бізге мойындамаса да, кеш соңы осындай тосынсыймен аяқталды. Бикешке көңіл білдірген мына бір бетперделі сері бағалы автокөлікті тарту етті.