Соңғы кино жобасы осыдан 4 жыл бұрын таспаланған НТК арнасындағы «103» телехикаясы болған Бибігүл Ақтан, карьерасының нағыз қызған шағында Еуропаға көшуге мәжбүр болғанын мәлімдеді. Актриса мұны денсаулығыма қатысты шешім деп түсіндірді.
– Карантин кезінде қатты сырқаттанып қалдым, иммунитетім әлсіреп теңіз жағасында өмір сүру керек болды. Сондықтан 4 жылдан бері Кирпде тұрамын.
Денсаулығымды түзеймін деп 4 жыл шетелде тұрған актриса, бүгінде кино саласынан алыстаған. Десе де жаным әлі де камераға жақын дейді ол.
Бибігүл Ақтан, актриса:
– Қазір бизнес, маркетинг саласындамын. Кинодан алыстадым. Бірақ ақырындап кастингтерге шақырту алып, пробаға барып жатырмын. Жақсы жобалар болса, карьерамды жалғастырғым келеді.
Алайда актриса ұзақ уақыттық үзілістен соң бірден кино нарығына ілесу қиын дейді. Оған себеп:
Бибігүл Ақтан, актриса:
– Қазір прокатта отандық өнімдердің көптігін байқадым. Осы саладағы достарым қазір кино нарық қатты өзгергенін айтады. Сондықтан мен де ұсыныстарға ашықпын. Тарихи және экшн жанрдағы туындыларға түскім келеді. Өйткені жаным экстримді ұнатады.
