Симфониялық оркестр, диджей, ырғақты музыка. Бір қарағанда бір-бірінен алыс сезілетін бұл ұғымдар бір сахнада тоғысты. Ал электронды музыка мен аспаптардың ғажайып үнін біріктіретін осынау керемет жобаның авторы - Диас Аблаев.
Диас Аблаев, әнші, «DODA» жобасының авторы:
– Бүгін өзім негізін қалаған «Дода» оркестрінің алғашқы концерті өтті. Австралияда осындай жоба бар. Маған ұнады. Сосын неге өзіміздің елімізде өзіміз ұйымдастырмасқа деген ой келді. Сол идея осындай ауқымды кештің ұйымдастырылуына негіз болды. Бізбен бірге болып, қолдаған көрерменге көп рақмет. Бүгін біз жаңа деңгейге аяқ бастық.
Өнерпаздар жобаға жарты жыл дайындалған. Осы аралықта David Guetta, Calvin Harris, Daft Punk сияқты таланттардың танымал синглдері жаңаша өңделіп, күні кеше көрерменге ерекше форматта ұсынылды.
Али Оқапов, музыкант:
– Шынымен де өте күрделі жоба болды, өйткені оркестрдің сүймелдеуімен жалпы ән орындау ол ең биік, қиын деңгей. Оған қоса хаос музыка, оған қоса диджей, оған қоса техникалық жабдықтау, оған қоса халық оның барлығы нон-стоп, яғни ешкім сені күтпейді, ән басталды ма, болды кетті дегендей. Сондықтан оның барлығының күрделігімен ол өте қызық болды біз үшін керемет тәжірибе болды және де меніңше бүгін тарихи сәт болды, Сондықтан алғысымыз шексіз Диасқа, бізді шақырғаны үшін. Осындай сенім атқарғаны үшін
Концертте Ағайынды Рымбаевтармен қатар, Миллениумдық жігіттер, Аyree, Luina, Нұргүл Нұғыманова сынды біршама таланттар өнер көрсетті. Олар бүгінгі экспернимент еліміздегі музыканың жаңа дәуірін қалыптастырады деген үміттерін жасырмады.
KABDRAKHMAN, музыкант:
– Осы уақытқа дейін біз дайындалдық енді дайындаған дүниемізді сіздерге шырқап, билеп көрсетсек па деген ойымыз бар. Бұл үлкен коллабарация. Себебі қазақстанда алғаш рет оркестр, диджей, қазақстандағы әртістермен өтетін үлкенжоба.
Аренаға жиналған жұрт таңданысын жасырмады. «Жаңа бағыттағы кешті қолдауға асыққан жұрт енді жалғасын күтеміз»,- дейді
– Мұндай кешке алғаш келуіміз. Өзім музыкалық мектепте оқып, музыканың үнімен өстім. Десе де бүгінгі ерекше миксты тыңдауға асықтым.
Ұйымдастырушылар ендігі локация - елордамыз Астана дейді. Қаржылай мәселелер шешімін тапса, басқа қалаларды да таңғалдыруға кетәрі емес. Ендеше музыка индустриясында ерекше серпіліс болған жоба жалғасын табады деп сенеміз.
