Жаһандағы жанкүйерлері көптен күткен «Тақтар ойыны», телехикаясының тың трейлері жарық көрді. «HBO» арнасы ұсынған туындының, әр сәті шытырманға толы ақтық маусымы – шешуші шайқаспен аяқталмақ. Әйгілі сериал жайлы толығырақ тілшіміз тарқатсын.

Орта ғасырлық елдердің таққа таласын суреттейтін фэнтезидің соңғы маусымы – өлілер мен тірілердің ақтық шайқасынан басталмақ. Ортақ жаудың көзін жою мақсатында күш біріктіретін жеті патшалықтың билеушілері, өзара бәсекелестікті ұмытады. Шытырманға толы хикаяның шешуші сәттерін, 14-ші сәуірден бастап тамашалай аласыз.

Әйгілі суперқаһарман «Хеллбой» туралы лентаның жалғасы жарық көрмек. Фэнтези жанрындағы Нил Маршалдың туындысы – алғаш 1993 жылы «Dark Horse Comics» басылымында пайда болған батыр жайлы. «Хеллбойдің» енді үшінші бөлімін ұсынып отырған жоба авторлары, қанды патшайыммен аяқсыз қалған шайқасты көрсетпек. Фантастикалық фильм сәуір айының 11-ші жұлдызында көрерменге жол тартады.

Хоррор жанрының үздік режисеры – Ари Астер кезекті туындысын ұсынды. XXI ғасырға тән үрейлі оқиғаны, киногер «Мидсоммар» атты триллерінде көрсетпек. Картина, жазғы демалысын шағын ауылда өткізбек болатын қос ғашықтың хикаясын баяндайды. Шытырманға толы лента, 8-ші тамыздан бастап үлкен экрандарда.