Сән әлемінің жарық жұлдызы Наоми Кэмпбелл, тек подиумдарда ғана емес, енді ғаламтор арқылы пайда табуға кірісті. Өзін блогер ретінде сынап жүрген сәнбике, «youtube» хостингінде жеке арнасын ашқан. Наоми видеоларында не жайлы сыр шертпек?

Осындан үш ай бұрын youtube-та қадам басқан Наоми Кэмпбелдің арнасына, небәрі 104 мың адам жазылған. Күнделікті өмірі мен жаңалықтары, сонымен қатар қыздарға арналған пайдалы кеңестерімен де бөлісіп отыратын сәнбике, бьюти-блогер болудан да бас тартпаймын деп отыр.

Гленн Клоуз кинодағы мансабын уақытша тоқтатпақ. «Оскар» марапатының «үздік актриса» номинациясына үміткер атануда рекорд орнатқан киномайталман, «Эмми», «Алтын Глобус» сынды бәйгелердің де иегері. 71 жастағы Гленн киноға енді қашан оралатынын нақтылаған жоқ.

Кейт Бекинсейл, Пит Дэвидсонмен қарым-қатысы жайлы мәлімдеді. Актриса өзінен 20 жас кіші серімен, бірнеше ай бұрын танысып, көңіл қосқан екен. Папарацци көзінен жасырынып жүретін ғашықтар, бірге екендерін енді ресми түрде растады. Пит бұған дейін Ариане Гранденің күйеужігіті болған еді.