«Spice Girls» тобының экс-мүшесі Эмма Бантон болса, 20 жыл көңіл қосқан сүйіктісіне тұрмысқа шықпақ. 43 жасқа келген әнші, музыкант Джейд Джонсонмен отау құруға енді ғана бел буғандай. Ал әйгілі гелзбендттің өзге әншілері бүгінде қайда жүр?

Алғаш 1994 жылы Лондон қаласында құрылған британдық поп-ұжым, 25 жылдық мерейтойын атап өтпек. Бүгінде қайта табысып тыңдармандарын қуантуды көздейдін гелзбендтің жоспарлары да жетерлік.

Ұжымның бас қосуына, Эмма Бантонның тойы себеп болмақ. «Spice Girls-тің» белді мүшесі, өзінің отау құру салтанатын Лондонда атап өтеді. «Damage» тобының экс-мүшесі Джейд Джонсонмен 20 жыл бірге тұрған Эмма, заңды некесін қиюға ұзақ уақыт даярланған. Жұлдызды жұп бүгінде ортақ екі баласын тәрбиелеп отыр.

Мелани Браун жеке әншілік мансабын тоқтатқан емес. Mel B есімімен етене таныс бикеш, тележүргізушілік пен актрисалықты да қолға алған. Өнер иесі Австрия мен Ұлыбритания елінің «X-Factor» музыкалық шоуында төрелік етіп келеді.

Мелани Джейн де шығармашылық жолдан жалықпаған. Әншінің қоржынында 7 үнтаспа бар. Және ол 2009 жылдан бері «Phoenix Theatre-ында» актриса. Джерри Холлиуэлл болса, әншілікпен қатар жазуышылық қырынан да танылды.

«Spice Girls-тен» кейін шоу-бизнесті сән әлеміне алмастырған Виктория Бекхэм ғана. Дизайнер ретінде өз атын шығарған бизнесвуменның отбасы да танымал. Бикеш 1999 жылы әйгілі аяқдопшы Дэвид Бекхэмнің жары атанып, 3 ұл мен 1 қыз дүниеге әкелді. Виктория «Spice Girls» тобының қайта табысуынан бас тартқан еді.