Заңғар сынды, елге енді таныла бастаған жас әнші – Билли Айлиш те, тыңдармандарына алғашқы альбомын ұсынбақ. Өнерпаз су жаңа үнтаспасына кіретін трегінің біріне, бейнебаян да таспалап үлгерген. Биллидің кезекті туындысы табынушыларының көңілінен шыға алды ма?

Ең талантты жас өнерпаздардың біріне айналып үлгерген Билли Айлиш, бүгінгі таңда үлкен сұранысқа ие. 17-ге жаңа толған ару, әрбір туындысын ерекше етіп ұсынуға тырысады. Бойжеткеннің су жаңа «bury a friend» бейнебаяны – бірнеше сағаттың ішінде 5 млн-нан астам қаралым жинауы осыған дәлел.

Британдық музыкант – Том Оделл да, тыңдарманым үшін деп кезекті клипін таспалады. Өнер иесі «Go Tell Her Now» әні арқылы өзіне сенімсіз жандарға шабыт сыйлағысы келгендей. Өмірде батыл болуға шақырған Том, бейнебаянында қыз бен жігіттің арасындағы махаббат хикаясын суреттеген.

Америкалық R&B/Soul орындаушысы Ниомза Витаның «Me & You» атты тың туындысы жарық көрді. 2010 жылы өнерге қадам басқан ару, бақилық болған рэпер Мак Миллермен біраз жұмыс істеген еді. Бүгінде бикеш Ариане Гранденің соңғы «thank u, next» «7 rings» тректерінің авторы.