Кино әлемінде тер төгіп жүрген Тараджи Хенсон, еңбегінің жемісін көруде. Майталман актриса «Даңқ аллеясында» өз жұлдызына ие болды.

Екінші пландағы актриса ретінде, бірнеше мәрте «Оскардың» үміткері болған өнер иесі, «Бенджамин Баттонның тылсым құпиясы» лентасы арқылы танылған еді. 48 жастағы жұлдыз телехикаядағы рөлі үшін «Алтын Глобус», «Эмми» сынды марапттарды да қанжығасына байлады.

Тараджи Хенсон, актриса:

- Өнерге қадам басқанда, мен көрерменге үлгі бола аламын ба деп ойладым. Осы ой мені көп мазалады. Арманыма қол жеткізгенімді енді түсіндім.

Тараджидың қуанышына ортақтасып келгендер қатарында, жақында ғана сөз байласқан сүйіктісі Кельвин Хейден де бар.