Әйгілі «Queen» тобы қайта жаңғырды! Тарихта қалған рок -группа бүгінде әлемдегі ең табысты жұлдыздар көшін бастады. Музыканттардың жарты ғасырдан кейін пайдаға кенелуіне «Богемалық рапсодия» фильмі септік болған.

Аңызға айналған музыканттар жайлы лента, режиссер Брайн Сингердің таспалауымен жарыққа шыққан еді. Фредди Меркьюридің шығармашылық жолы баяндалған картинада барлығы 14 трек ойналған.

Фильмде, атақты музыканттардың сахнадан тыс өмірі мен шығармышылық үшін аянбай тер төккен жылдары қамтылған. Мюзикл, драма, биография жанрында түсірілген туынды, бірнеше аптаның ішінде дүниежүзілік прокатта 300 млн-ға жуық АҚШ долларына кенелді.

Картина «Queen» тобының хиттерін қайта жаңғыртқандай. Музыканттардың тректері әлемдік чарттардың көшін бастауда. «Bohemian Rhapsody» әнжинағы болса, Билборд чартының үздік үштігіне еніп үлгерген.

Ал «The Platinum Collection» альбомы болса күллі елдердiң iTunes музыкалық чартында бірінші сатыға жайғасқан. Аталмыш картина «Queen» тобының 50 жылдық мерейтойы құрметіне арналған еді.