Музыкасы мәнсіз, мәтінінде мағына жоқ! Бұл Арынбаевтың – бүгінгі отандық шоу-бизнестегі бойзбендтерге берген бағасы. Кезінде әйгілі «АБК»-ның белді мүшесі болған әнші, қазіргі музыкалық топтардың шығармашылық шикіліктерін жіпке тізіп айтып берді.
Медеу Арынбаев, әнші, композитор:
-Біз де бір әртүрлі көйлек ауыстырып, мода киіп, сол кездегі заманға сай киініп өзіміз де жүрдік қой. Жаңалық ашамыз деп...
Медеу мырза жаңашылдыққа жаны құмар жастарды толықтай қолдайды. Алайда отандық шоу-бизнестегі музыканттардың шығармашылық талпынысын бақылып, кемшін тұстарын көкейге түйіп жүреді екен. Соңғы уақытта Арынбаевтың ашуын тудырған - ән мәтініндегі олқылықтар.
Медеу Арынбаев, әнші, композитор:
-Қазір қазақша айтып жатыр, бірақ қазақшаның артында қазақша айтқанына намыстанған сияқты, сөздерін түсініксіз қылып айтады ғой әдейі. Оны білмейді дейсің бе, ағылшынша қылып. Ол да бар. Ол бізге ұнамайды.
Аға буынның салмақты сыны q-pop өкілдерінің де құлағына жетті. Бүгінгі шоу-бизнесте заманауи музыканың дамуы жолында тер төгіп жүрген жастар, Арынбаевтың өкпе-ренішіне қандай жауап қатар екен?
MadMen тобы:
-Егер мәтінді толық оқып шықса, тереңірек оқыса сол кезде ғана түсінеді. Бұл заманауи музыканың бағыты. Бұл керісінше жақсы!
Медеу Арынбаев, әнші, композитор:
-Кейде мен қарамайды емес, не айтып жатыр екен деп қараймын. Енді төртеу, бесеу болып билеп жатады. Алдыңғы қатарда музыканың ырғағы тұрады, артында сөз... Енді олар жастар қазақша айтып жатырмыз ба, айтып жатырмыз дегені. Ол да бар!
Медеу, музыкаға құштар жастар ән таңдауда – әуезді әуен мен мағыналы мәтінге басты назар аударса дейді. Сонымен қатар, ұлттық өнерді дәріптеуді ұмыт қалдырмаса деген өтініші бар!
