Талай арудың арманына айналған Тәуекел өзін мезі еткен сауалдарға «Той кз» толықметрлі лентасы арқылы жауап бермек. Мүсілім басты рөлді сомдайтын фильмдегі оқиға желісі, актердың шынайы өмірімен өте ұқсас деседі...

Комедия жанрындағы жаңа жобаның продюсеры - Жан Мұқанов. Картинадағы басты кейіпкердің аты-жөні де – Тәуекел Мүсілім. Романтикалық кинотуындының сюжетінде отыздан асса да отау құруға асықпаған жігіттің серілік ғұмыры суреттеледі.

Тәуекел Мүсілім, актер:

-Бұл жерде бір ғана қалыңдық болмайды. Бірнеше кандидат. Сол кандиттардың ішінен мен таңдайтын боламын. Кез-келген ер-жігіттің өмірінде кездесетін жағдай. Жаңағы таңдаудың үстінде жүру. Кинода көбінесе сол көрсетіледі.

Комедияда қай сұлу сүрбойдақтың сезімін селт еткізер екен? Көрермен көкейіндегі бұл сауалға желтоқсан айында ел кинотеатрларынан жауап таппақ.