Walt Disney мен Pixar кинокомпаниясы ұсынған «Ойыншықтар хикаясының» төртінші бөлімі жарық көрмек. Вуди, жаңа оқиға желісінде ғашығын іздеуге аттанады. «Оскар» марапатын еншілеген мультфильм кейіпкерлерін, бұл жолы қандай шытырман күтіп тұр?

Ойыншықтар хикаясының алғашқы бөлімінде Вуди, Бо Бип есімді қуыршаққа ғашық болып қалған еді. Ковбой енді 23 жылдан кейін сүйіктісін іздеп табу мақсатында, жан досы Базды жанына серік етіп ұзақ сапарға аттанады. Режиссер Джош Кули анимациялық туындыға жаңа кейіпкерлерді қосып қана қоймай, Том Хэнкс, Тим Аллен, Джон Кьюсакты дыбыстауға қайта шақыртқан. Мультфильм келер жылдың жаз маусымында жарық көреді.

Америкалық тағы бір анимациялық туынды -«Жетіспейтін бір бөлік» лентасы да алғашқы трейлерін ұсынды. Картинаға Зои Салдана, Хью Джекман сынды танымал актерлар ат салысқан. Фэнтезиде Лайонел Фрост есімді зерттеуші, қиял-ғажайып кейіпкерлерді тірілту мақсатында ғылыми тәжірбие жасап көреді. Отбасына арналған комедия, 2019 жылдың сәуір айында үлкен экрандарға шығады.

«Маугли: Джунгли аңызы» картинасы да жарыққа шықпақ. Фильмде ержүрек Маугли жайлы аңыздан сыр шертеді. Кішкентайынан жабайы аңдардың арасында өсетін бала, Шерхан есімді жолбарыспен жақын достасады. Кейін осы жыртқыш Мауглидің басты дұшпанына айналмақ. Маугли жайлы таспаланған өзге экранизациялардан ерекшелігі – қанды оқиғалар. Сондықтан авторлар 13 жасқа толмаған балаларға шектеу қойған. Тың туынды 7- желтоқсаннан бастап көрерменге жол тартады.