Үнемі елді елең еткізіп, жұрттың аузында жүретін Ерке Есмахан желіге түсініксіздеу, екіұшты жазба жариялап оқырмандарының ашуына тиді. Жасыл шыршаның қасында тұған суретінің астына «Қыс дегенде қыс» деп жазба қалдырған әншінің жанкүйерлері оның бұл қылығын түсінбей, түрлі пікір білдіруде. Бірі бұны жәй ғана әзіл деп қабылдаса, басқалары Еркенің шектен шығып бара жатқанын айтқан.

Фотосессияларды ысырып қойып, клип түсіруге кіріскен Мәдина Сәдуақасова жаңа жылға орай тың туынды әзірлеуде. Бейнебаянның режиссері Ернар Нұрғалиевтың жұмысқа қызу кірісіп кеткенін әншінің инстаграмдағы видеоларынан байқауға болады. Сюжет желісін ашып айтпаса да, Мәдинаның кезекті еңбегі әдеттегідей махаббатқа толы болары сөзсіз.

Күллі әлемді домбыраның қоңыр дауысына тербетіп жүрген Димаш Құдайбергеннің жеке туры жалғасуда. Ол жақын күндері Чехия мен Германияға сапар шекпек. Димаш инстаграмды белсенді қолданатын әртістердің бірі. Ол күні кеше түріктің әншісі Мустафа Сандалмен бірге ән тыңдап отырған видеосын желіге жүктеген. Тыңдармандары «Жастайымыздан осы Мустафаның әндерін тыңдап өсіп едік. Сенде арман жоқ. Жарайсың!» сынды жазбалар қалдырған.