Семейлік Ерқанат Садуханов жыл басында жаһанның ең ықпалды 100 адамы қатарына енген, Грэмми иегері Дуа Липамен жұмыс істеу бақытына ие болды. Ол әншінің альбомындағы 11 саундтың 7 трегіне бит жазды.
Eraholic, битмейкер:
– Dua Lipa management деген өзінің тобы байланысқа шықты, сол кісілермен хабарласып келістік. Бірақ ешқандай эмоция білдірген жоқ, ұнады деп айтқан жоқ. «Сатып алдық, альбомда болады» деді.
Ал таяуда биология пәнінің мұғалімі Nikki Minaj-дың «Pink Friday2» альбомының саунд-продюсері атанды.
Молданазар үшін де биыл табысты жыл болды. Әнші кезекті үнтаспасын Ұлыбританиядағы «Air Studio»-да жазып келді. Тұманды альбионда орналасқан орталықта «The Beatles» тобының хиттері шыққан болатын.
Moldanazar, музыкант:
– Ол жердің бөлменің акустикасымен әйгілі студия. Көбінесе оркестр жазатын бөлме, студия. Сол жерде жұмыс істегеніме бақыттымын. Ол да бір тәжірибе. Бұрын соңды мүмкін емес болып көрінетін.
Арманы орындалғандардың тағы бірі – Damelya Sweet. Бикеш Оңтүстік Кореяда өткен «Face of Asia» байқауына қатысып, жеңімпаз атанды. Азия келбеті статуэткасын алу үшін блогер отандық дизайнерлермен жұмыс істеген.
Damelya Sweet, блогер, модель:
– Бізде лук дайындалып жатыр үш бренд болады бұйырса. Ең басты «Face of Asia»-нің статуэткасынг әкелуге тырысамын.
Сеулдің Дәмеліге сыйлаған марапаты бұл ғана емес. Бикеш жақында «Global Influencer Expo Awards 2024» шарасына қатысып, үздік деп танылды. Ол «Asias Top Artiste» статуэткасын қанжығасына байлады.
ЗКТ: Корей елін бағындырған тек Дәмелі емес. Найнтиуандық Азамат Ашмақын дорамалар елінде «Asias Top Band» байқауында бақ сынап, «Best Popular» номинациясын жеңіп алды! Асе онда «91» тобының әндерін орындап, көрермен көзайымына айналды.
Киногерлер де түрлі жетістіктерімен қуантты. Мәселен отандық «Бауырына салу» драмасы «Оскар»-дың лонг-листіне енді.
Асхат Кучинчереков, режиссер:
– Фильм Сан-Себастян фестивальінде «А» классы фестивальінде қатысты. Содан бері 15-16 сыйлық алдық. Менің ойымша біз тоғыздыққа кіреміз бестікке енді Алланың қолында қалай болады екен.
Алайда картина шорт-листке енбей қалды.
Ал биылғы жылдың басты жетістігі - Парижде өткен жазғы Олимпиадада спортшылардың 7 бірдей жеңісті медалімен оралуы. Ел қоржынына жалғыз алтын сыйлаған дзюдодан Елдос Сметов болса, үш күміс медаль иегері – гимнастшы -Нариман Құрбанов, грек-рим күресінен-Демеу Жадыраев және боксшы- Нұрбек Оралбай. Ал қола медалді боксшы -Назым Қызайбай, нысана көздеуден аралас командалық жарыс бойынша-Александра Ле мен Ислам Сәтпаев және дзюдошы Ғұсман Қырғызбаев еншіледі.
