Америкалық танымал музыкант - Дрейктің ұлы бар болып шықты. Рэпер некесіз туған баласын күні бүгінге дейін мойындамай келген көрінеді. Сері өз атұстарын жұрттан неге жасырды?

Дрейк баласы барын естіcе де, оны бауырына басудан бас тартқан еді. Музыканттың Адонис есімді ұлының анасы – актриса Софи Брюссо. Рэпер осы күнге дейін, атұстарын дүниеге әкелген бикешті танымаймын деп ақталғанды. Ал күні кеше Дрейк, ұлының құрметіне денесіне тату бастырып, жанкүйерлерін таңқалдырды.

«Поттериандар» үшін таптырмас мүмкіндік! Лондон қаласында Гарри Поттер фильмінің табынушыларына арналған мұражай ашылды. «Warner Bros» студиясында «Gringotts Bank» кейіпкерлерінің киімдері, артефактылар мен кино декорациялары да қойылған. Бұл жерге алғаш бас сұққан меймандар қатарында, әйгілі хикаяның актерлары да бар.

Уорик Дэвис, актер:

-Мен үшін бұл фантастикамен тең. Қаншама жыл бұрын түсірілім алаңынада көрген заттардың бәрін қайта ұстап, ностальгияға бөлендім.

Ариане Гранде әлемдік турнесіне аттанды. Нью-Йорк қаласынан бастау алған ән сапары – «Sweetener World Tour» деп аталады. Өнерпаздың шоуға ұласқан алғашқы концертіне, барлық билеттер күні бұрын сатылып кеткен екен. Гранденің турнесі маусым айына дейін жалғасады.