Кезінде АҚШ-тың iThunes платформасында «Maroon 5» тобы, өзінің «Girls Like You» трегімен көш бастаған еді. Дәл осы хитке айналған туындының орындаушысы – бас гитарашы Адам Левин бүгін 40- жасқа толып отыр!

Адам Левин – әйгілі америкалық топта әу бастан өнер көрсетіп келе жатқан жалғыз бас гитарашы. 2001 жылдан бері «Maroon 5-та» 7 бірдей музыкант алмасқан еді.

Өнерпаз алғашында «Kara’s Flowers» ұжымында шығармашылық жолын бастаған. Кейін олар ыдырап, Адам өзге әріптестерімен «Maroon 5» поп-рок ұжымының негізін қалайды.

Жігіттердің дебьюттық альбомы бірден «Биллборд» тізімінен табылып, «Үздік жаңа орындаушылар» ретінде «Грэммидің» жүлдесіне де ие

болды. Бұл шығармашылық топтың жұлдызды сәті еді.

«Maroon 5» шырқайтын тректердің көпшілігі Адам Левиннің бұрынғы ғашық бикештеріне арналған.

Адам кезінде Джессика Симпсон, Мария Шарапова және Кэмерон Диас сынды танымалдармен көңіл қосқан еді. Алайда сері өмірлік жары ретінде «Victoria’s Secret-тің» жұлдызы Бехати Принслуды таңдады. 2014 жылы шаңырақ көтерген жұп, бүгінде екі ханшайымды тәрбиелеп отыр.

Адам «Maroon 5» сіңірген еңбегі үшін «Даңқ Аллеясында» өз жұлдызын еншіледі. 25 жылын өнерге арнаған музыкант, бүгінде «The Voice» шоуында тәлімгер ретінде таланты жастарға қолдау көрсетіп келеді.