Британдық әнші Рита Ора болса су жаңа бейнебаянының тұсауын кесті. Өнерпаздың видео таспалауға таңдаған туындысы – бесінші альбомына кірген «Only Want You» трегі екен.

Рита, өткен жылы жарық көрген бұл әнін қайта өңдеп, америкалық рэпер 6lack-пен бірігіп орындаған. Бикештің біраз күн бұрын «Phoenix» үнтаспасы да тыңдарманға жол тартқан еді.

«Тек сені қалаймын» деп шырқаған Рита, әнін сүйіктісіне арнапты. Дегенмен, ол күні кеше, жарты жылдай көңіл қосқан ғашығы Эндрю Гарфилдпен қарым-қатынасын үзген еді.