Джонни Депп пен Эмбер Хердтің хикаясы жайлы да біртұтас фильм түсірсе артық етпес еді. Голливудтың атышулы экс-жұбы 2015 жылы ажырасса да, әлі күнге дейін соттасып әлек. Бұл жолы Джонни, бұрынғы жұбайынан 50 млн доллар өндіріп алмақ.

Джонни Депп пен Эмбер Хердттің бір жылға созылған некесі, жанжалмен аяқталған еді. Бұл дау Эмбердің: күйеуім мені соққыға жықты, - деген айыптауынан басталған. Ал Джонни, Эмбер маған жала жапты деп, сотқа шағым түсірген. Қайта қаралатын іс Депптың пайдасынына шешілетін болса, ол 50 млн доллар өндіріп алмақ.

Криштиану Роналду жеке бизнесін қолға алды. Спортшы жұбайы Джорджина Родригеспен бірге Мадрид қаласында медициналық клиника ашпақ. 18-ші наурыздан бастап ресми түрде жұмысын бастайтын орталық – шашты қайта өсірумен айналысады. Роналду емхананы іске қосуға бастапқыда 1,5 млн доллар қаржы құйса, болашақта 25 млн АҚШ долларын жұмсамақ.

Стивен Спилберг «Netflix» компаниясына қарсы шықты. Танымал режиссер әйгілі студияның туындыларын «Оскар» марапатына қатыстырмауды талап етуде. Америкалық киногердің сөзінше, стримингтік сервистерге арналған картиналар – тек «Эмми» жүлдесін алуға лайықты екен. Себебі олар, үлкен экрандарда аз уақыт ғана көрсетіліп, бірден ғаламторға жүктеледі.