Q-рор жанрын насихаттап жүрген «EQ»-лік жігіттер, шығармашылық жолда тынбай еңбек етуде. Мемберлер, керек болса тегін өнер де көрсетеміз деп құлшынып-ақ тұр. Дәл осы талантты жастардың негізгі табыс көзі қандай?

EQ тобы:

-Бізде жұлдыз деген ұғым, ешкім-ешкімнен артық болу немесе, біреудің ой санасы үлкен деген сөз емес. Бізде «айдол» - деген ұғым бар. Ол адам актер бола алады, яғни ол әнші бола алады, яғни ол рэп басқа салаларды алып жүре алады.

Әмбебеп «idol» болуды армандайтын «EQ»-лік жігіттер, тек әншіліктен түсетін қаражатқа көңілдері толмайтын көрінеді. Сондықтан, ақша табудың өзге жолдарын да қарастырып жүр.

EQ тобы:

-Бұл дүние бұл біздің жақсы көретін нәрсеміз. Бұл нәрсеге жанымыздың рахатын табамыз. Сондықтан да, біріншіден жанымыздың рахаты, кейіннен барып бұл дүниеде жемісін табамыз міндетті түрде. Ақша жағы, теңге жағы, ол өзімен өзі келеді. Жаңағы өзінің толқынымен, сен қандай еңбегіңді жасадың, саған бәрібір қайтып келеді.

Ал «Mad Men» тобы ақша табатын мүмкіндік болса, қуана-қуана келіседі. Талантты өнерпаздар әншіліктен бөлек, биден де сабақ береді екен. Білгенімізді өзгеге үйрету – тәжірибе жинауға септігін тигізеді дейді бойзбенд мүшелері.

Mad Men тобы:

-Біздің табыс көзіміз ол біздің студия, ентертеймент. Сол жерде барлығымыз жұмыс істейміз – хореограф болып. Бірақ та жалпы сахнаға шыққан кездегі, сахнадан алатын бір қаражаттарды, біз оны айта алмаймыз.

Q-pop жанрының алғашқы қарлығаштары - «Ninety one» болса, бүгінде түрлі жарнаманың бетбейнесі ретінде қосымша қаржыға кенеліп жүр.