Голливудтық актер Ченнинг Таттумның арманы жоқ шығар, сірә! Сері, Лондонда өзінің Magic Mike Live шоуын дүркірете өткізген еді. Ченнинг, сахнада жалаңаштанған жігіттермен бірге бидің түбін түсірді. Бұл атмосфера кешке келген барша қонақтарды бейжай қалдырмады!

Ченнинг Таттум ұйымдастырған «Magic Mike Live» шоуы әсерлі сәттерге толы болды. Залдың халыққа лық толғаны сонша, ине шаншыр жер қалмады. Кешке келген қонықтардың басым бөлігі – нәзік жандылар.

Жартылай жалаңаш биші жігіттердің басын қосқан Таттум, аталмыш шоуды өткізу көпшілік ойлағандай оңай еместігін алға тартады.

Ченнинг Таттум, актер:

-Менің денсаулығым да, жағдайым да жақсы. Жігіттермен бірге сахнаға шықпаған себебім, олар сияқты өнер көрсету үшін – ұзақ уақыт дайындалу керек. Жігіттер күні-түні студияда аянбай тер төкті. Мүмкін, келесі жылы мен де билермін.

Еске салсақ, бүгінде голливуд жұлдызына айналған актер киноәлеміне келмей тұрып, стриптиз бишісі ретінде ақша тапқан. Таңсықтау өнердің бұл түрін Ченнинг 19 жасында меңгеріпті.

Ченнинг Таттум, актер:

-Ерсі көрінгенімен, бұл да талант. Кезінде мен түнгі клубтарда өнер көрсететінмін. Мұнда тұрған ештеңе жоқ. Бар болғаны биді жақсы көрдім.

Таттумның бұл өмірлік оқиғасы кезінде кинолентаға да негіз болған еді. Стриптиз бишісі ретіндегі серінің ғұмыры - «Супер Майк» лентасында баянадалған.

Талай кинотуындыларда төбе көрсеткен Ченниг, болашақта өзінің қатысуымен би өнері жайлы тағы да картина таспалануы мүмкін дейді. Ал, әзірше актер ерекше шоу ұйымдастырудан шаршамақ емес.