Ариане Гранде де әр әнін хитке айналдыра білетін жан. Өнерпаз, экс-сүйіктілерін еске алып айтқан «thank u, next» трегіне, енді жаңа бейнебаян ұсынбақ. Туынды әнші арудың бұрынғы ғашықтарына арналса да, клиптің сюжеты өзгеше болады деп күтілуде.

Ариана тың туындысына 2004 жылы жарық көрген - «Бұзық қыздар» комедиясын арқау етіп алыпты. Жасөспірімдердің мектеп қабырғасындағы хикаясында Гранде - басты кейіпкер. Талантты өнерпаз Гарвард университетінің қабырғасында таспалаған клипін, 30-шы қарашада жарыққа шығармақ.

Никки Минаж да табынушыларын тағы бір тизермен қуантты. Рэп орындаушы, танымал музыкант Лил Уэйнмен бірігіп орындаған, кезекті «Good Form» хитіне бейнебаян түсірген. Бірнеше күннен кейін тұсауы кесілетін туындыға Колин Тилли режиссерлық еткен.

Канадалық әнші Алессия Кара тыңдармандарына бірден жаңа бейнебаян тарту етті. 22 жастағы өнерпаз «Not Today» трегіне арналған видеода нәзік жандылардың қиындықпен қалай күресетінін көрсеткісі келгендей. Аталмыш ән Алессияның «The Pains Of Growing» атты екінші альбомына енбек.