Әлемнің ең үздік композиторы, әрі продюсері - Куинси Джонстың да өнерде жүріп өткен өз жолы бар! Даңқ Аллеясында әйгілі музыканттың қолы мен аяғының ізі қалған арнайы тақтайша орнатылды.

Композитордың көптен күткен қуанышты сәтінде, оның жанынан қызы РашИда мен хип-хоп орындаушы Снуп Дог табылды.

Снуп Дог, рэп орындаушы:

-Дәл қазір жаныңызда тұрып, сөз сөйлеудің өзі мен үшін – үлкен мәртебе. Куинси Джонс болмаса, Снуп Дог та болмас еді. Сізге айтар алғысым зор!

Куинси Джонс - Майкл Джексон, Уилл Смит, Опра Уинфри сынды талай танымалдардың жұлдызын жаққан жанның бірі. Композитор шығармашылық жолда, басы-қасы 27 мәрте «Грэмми» сыйлығын иемденіп, әлемдегі сатылымы ең жоғары Майкл Джексонның альбомының продюсеры атанған.