Әйгілі «Биллборд» чартында да бөлісетін жаңалық көп! Мәселен, бірнеше ай бойы үздік атанған Maroon 5 пен Cardi B-ды әнсүйер қауым бұдан былай мүлде тыңдаудан қалған! Жұрттың таңдауы енді басқа!

Мықты музыканттар көшін бастаудан рекорд орнатқан Maroon 5 -тың жетістігін, енді Ариане Гранде қайталады. Әншінің экс-ғашықтарына арнаған «Thank U, Next» трегін күллі арулар, бұрынғы сүйіктілерін еске ала тыңдап жүрген көрінеді.

Канадалық рэпер Дрейк те «сұранысқа ие әншілер» тізімінен қалмақ емес. Хип-хоп орындаушының Трэвис Скоттпен бірлесе шырқаған «SICKO MODE» туындысы да, оларды қыруар қаржыға кенелтуде. Еске салсақ, бұл қос өнерпаздың беделді чарттан алғаш рет табылуы емес.

Сырт келбеті Пинкты еске салатын Холзи де үздіктер арасында жүр. Алайда, жас өнерпаз әйгілі әншінің образын көшіріп қана қоймай, жетістігін де қайталауға ниетті. Оның «Without Me» трегі көптің көңілінен шығып жатқандай.