Тұңғыш сәбиіне аяғы ауыр Меган Маркл босанғанда жұбайынан қандай сыйлық алар екен? Патша әулетінің әлі дүниеге келмеген ұрпағының кім екенін топшылаған жұрт, түрлі болжам айтып әлекке түсуде. Тіпті кейбір білгіштер егіз нәресте екеніне сенімді.

Миллиондаған табынушыларымен қатар Меган Маркл мен Гарри ханзада тұңғыш сәбилерін асыға тосуда. Патша әулетінің өкілдері болашақ мұрагердің жағдайын ойлап, Кенсингтондық сарайдан көшіп, жырақта тұруға бекінген. Ағылшындық ақсүйек әкесі нәрестесінің ел назарында өскенін мүлдем қаламайтын көрінеді. Енді ол жары Меганмен және оның анасымен, басқа жерге қоныс теппек.

«Victoria's Secret»-тің сәнбикесі Жозефин Скривер қалыңдық атанды. Ару өзінің сүйіктісі – 29 жастағы музыкант Александр Делеонға, тұрмысқа шықпақ ниетте. Жозефин қуанышты жаңалықты өз инстаграм парақшасында бөліскен еді. Делеон болса өміріндегі бұл ерекше сәтке орай «Миллион рет келісемін» атты трегін жарыққа шығарды.

«Тақтары ойынының» жұлдызы Натали Дормер болса, бұрынғы ғашығымен ажырасты. Режиссер Энтони Бирнмен 11 жылдан кейін қарым-қатынасын үзген актриса, енді жұмысқа қызу кіріскен. Натали «Көзге көрінбейтін адам» картинасының жетекшілігіне келген сүйіктісімен қызмет бабында араздасқан. Жұлдызды жұп ұзақ уақыт бірге болса да, заңды түрде некеге отырмаған екен.