Әнші Зейн Малик, енді саундтрек жазуға кірісті. Сазгерлік қабілетін шыңдап көрмек болған музыкант, үнді фильміне ән арнады.

Зейннің орындауындағы трек – танымал үнді актері Салман Хан бой көрсеткен, «Жарыс» фильмінің үшінші бөліміне арналған. Британдық өнер иесі өзге тілде ән шырқап, осылай бағын сынап көрген. Өнерпаздың мақсаты – үнді халқына жақынырақ бола түсу. Сері алғашқы тәжірибесінен-ақ тыңдармандардың көңілінен шығып жатқан көрінеді.

ASAP Rocky «Sundress» хитіне су жаңа бейнебаян шығарды. Хип-хоп орындаушы бұл әнін австриялық «Tame Impala» тобымен бірігіп ұсынған. Музыканттардың ортақ туындысында – жастардың кешкі ойын-сауығы суреттелген. ASAP-тың видеосы санаулы сағаттың ішінде 1 млн-нан астам қаралым жинап үлгерген.

49 жастағы әнші Гвен Стефани тыңдармандарына мерекелік көңіл-күй сыйлауды жөн көрген. Ол жаңа жыл қарсаңында «You Make It Feel Like Christmas» атты трегіне клип ұсынды. Гвеннің ерекше сазды әніне, әйгілі музыкант Блэйк Шелтон да өз үлесін қосқан.