Есесіне, шетелдік жұлдыздарды дәл қазір желідегі оқырмандары жарыса құттықтауда! Нью-Йоркте кино саласының кіл мықтыларына International Emmy Awards марапаты табысталды. Жүлде алғандар арасында, Ресей президенті не істеп жүр?

International Emmy Awards 1972 жылдан бастап дәстүрлі түрде табысталып келеді. Оның әйгілі «Эмми» марапатынан айырмашылығы, жүлдеге АҚШ емес, әлемнің өзге елдерінің кіл мықты киногерлерінің таласқа түсуі. Шараның мақсаты – шет мемлекеттердегі кино және телевизия үздіктерін анықтау.

46-шы рет ұйымдастырылып отырған салтанатта, испандық «Қағаз үй» телехикаясы ең мықты деп танылса, израильдық «Невсу» туындысы комедиялық жобалар арасына өзгелерден оза шапты.

Ал «үздік актриса» аталымын «Тұмау да жеткілікті» лентасындағы шеберлігі үшін неміс өнерпазы Анна Шудт жеңіп алды.

Анна Шудт, актриса:

-Аталмыш марапаттың жеңімпазы атану – мен үшін үлкен мәртебе. Менімен таласқа түскен актрисалардың барлығы, құрметке лайық деп санаймын.

Сондай-ақ, жеңімпаздар арасынан «Карточный домик» картинасында Ресей президенті образымен ел есінде қалған Ларс Миккелсен де табылды. Оның «Құдай Жолы» телехикаясындағы ойыны «үздік актер» атануына себеп болды.

Ларс Миккельсен, актер:

-Бұл жеңіс менің ғана емес, бүкіл ұжым еңбегінің бағалануы деп түсінемін. Себебі, жетістікке жалғыз жету мүмкін емес. Сондықтан, барша ұжымға алғыс айтқым келеді.