«Самая вышка» бейнебаяны арқылы, жұртқа кеңінен танылған талантты жігіттер Алматыда. Тректері хит болғалы, оралдық өнерпаздар оңтүстік астанаға жиі сапарлатады екен. Бір әнмен танымалдылыққа ие болған жас өрендердің, бүгінде өмірлері күрт өзгерген көрінеді.
Өнерге құштар өрендерді дүйім жұртқа танытқан Нұртас Адамбай болатын. Режиссердың «Я – жених» комедиясына жазылған саундтрек - дәл осы Райым мен Артурдың авторлық туындысы. Ал, тосыннан танымалдылыққа тап болған жігіттердің, жұмыс кестесінде маусым айының соңына дейін бос орын жоқ!
Raim & Artur
-Өміріміз 180 градусқа өзгерді деуге болады. Себебі, барлығы біз үшін жаңадан болды. Жаңа нәрселерді көріп, концерттерге шығып, Қазақстанның тіпті бүкіл қаласын аралап шықтық деуге де болады.
Райым мен Артурдың репертуарында «Самая вышкадан» өзге 5 трек бар. Қысқа мерзімде жастардың ыстық ықыласына бөленген екі дос, таяуда Бішкек пен Мәскеу қалаларына да барып қайтыпты.
Raim & Artur:
-Мәскеуде «азиатский пати» дейді ғой. Қазақ-қырғыз ағайындар жиналған пати болды. Екі күн болды. Екі күн бойы халық лық толы болды.
Райым мен Артур үшін табыс түнгі клубтардан түседі! Сұраныстың көптігінен, серілердің қаламақысы да күн санап өсіп келеді екен. Аздаған уақыт ішінде мыңдаған жүректерді жаулаған жігіттерге жетекшілік етіп, жәрдемдесуге ниетті продюсерлер де көп көрінеді.
Raim & Artur:
-Продюсерлерден әрине ұсыныстар түсіп жатыр. Әзірге продюсермен жұмыс жасау ойымызда жоқ.
Қазіргі таңда Райм мен Артур , «БН» тобымен дуэт жазып, ортақ бейнебаянның түсіріліміне кірісіп кеткен. «Лучший» деп алатын клипте қала жастарының клубтағы сауық-сайраны суреттеледі.
«BN» тобы:
-«Лучший» әніне дэут жазып жатырмыз. Бұйырса көрерменге ұнайды деген сенімдеміз. Өйткені бұл жеңіл ән, тез жатталатын ән!
Raim & Artur:
-Осы «Лучший» әні, «BN» тобымен түсіріп жатқан клипіміз бір айдың ішінде, 1 миллион қаралым жинайды деген ойдамыз.
