Сымбат Сағындық, @symbat_sagyndyk

– Рамазан Амантай жақында ғана тырнақалды туындысының тұсаукесерін – БАӘ-де жасап келді. Дубайда премьера жасаған тұңғыш киногер. Ал біз бүгін фильмнің Алматыдағы жабық көрсетіліміндеміз.

Рамазан премьера күні қатты қобалжыды. Тіпті, әдетте сұқбаттарда тосылмайтын актер, тұсаукесерде сөзден сүріне берді.

– Бірінші тұсаукесеріңді Дубайда жасадың. Неге БАӘ?

Рамазан Амантай, актер, кинопродюсер:

– Себебі...Сосын берейінші досым...

• Тез-тез жазып тастайық та досым. Күтіп жүрсең, күтіп жүре бересің.

– Себебі қазақ киносының шекарасы кеңесін деп, бір жағынан жаңалық жасайық деп Араб Әмірліктерінде жасадық.

– Бұл фильмге 150 миллион теңге жұмсадың. Инкогнито спонсорың да бар. Жалпы арадағы келісімшарт қандай? Қанша уақытта қайтаруың керек?

Рамазан Амантай, актер, кинопродюсер:

– Осы фильмнің кассасынан қайтарып беруім керек.

• Тиынына дейін?
• Копейкасына дейін.
• Үстінен проценті бар шығар?
• Оны айта алмаймын... Бірақ өте мықты қолдау болды ол кісіден.

– Менің жанымда актер, енді кинопродюсер Рамазан Амантайдың келіншегі. Бірі білсе, бірі білмес. Гүлфару. Преьера құтты болсын! Көңіл күй қалай? Кішкентай қалай?

Гүлфару Төлен, Рамазанның келіншегі:

– Көңіл күй өте керемет. Қобалжу бар. Енді екеуіміз бір адам болғаннан кейін қобалжып тұрмыз.

Гүлфару да жарының толықметрінде төбе көрсетеді. Түсірілімге қатысуды Рамазан, не өзі қолқаламаған. Кастинг директорлардың ұсынысы болыпты.

– Фильмде сен де барсың. 15 секундтық эпизодың бар.

Гүлфару Төлен, Рамазанның келіншегі:

– Мен негізі Романың, Рамазанның анасының жас кезін ойнаймын. 15 секунд. Бір еске алатын жері бар.

Лентада басты рөлдердің бірін «Гена Букин» болып танылған – Виктор Логинов ойнайды. «Қазақстанға әр келген сайын жылы қарсы алады. Адамдары да сондай мейірімді»,-дейді Виктор.

– Қазақ фильмінде тұңғыш түсуіңіз ба? Жалпы Рамазанның фильмі ұнады ма?

Виктор Логинов, актер:

-Бұл қазақстандық кино ұжыммен тәжірибемдегі тұңғыш толықметр. Кәсібиліктеріне таңғалдым. Жұмыс істеу өте оңай болды. Режиссер Тимур Дулатовқа өте қатты риза болдым.

– Мен бұл сәтті өткізіп алғым келмейді. Бала арманымды орындағым келіп тұр.

Басты рөлдердің бірі – Дариға Бадықоваға бұйырған. Дариға ханым үшін аталмыш лента түсірілімі оңайға соқпаған.

– Постерда құмнан басыңыз шығып тұр. Бұл сахнаның бір бөлігі ма?

Дариға Бадықова, актриса:

– Ең қиын сахна осы болды. Құмға көмген. Ішіміздің бәрі құм болды. Осы бір бөлігі, осы сахнаның. Бірақ енді ең әдемі сахна кадрда әдемі көрінетін сахна. – Осы құмға көмгенде «Біссіміллі, біссіміллә» деп отырдым ішімнен.

• Бұл қай жердің?
• Осы өзіміздің жердің құмы.

Дариға Бадықоваға ғашық әрі Бадықованың жарын – Қылышбек Қасымбеков ойнайды. Қылышбектің бұл кейіпкері, басқалардан өзгерек.

– Сіздің образыңызға тоқталсақ. Кейіпкеріңіздің аты кім? Бұрынғы рөлдеріңізден бөлекшелік, өзгешелік бар ма?

Қылышбек Қасымбеков, актер:

– Бұрынғы рөлдерден өзгешелік бар. Кейіпкерімнің аты Жомарт. Әкесі мен шешесі еркелетіп өсірген сондай бір азамат болады. Сондықтан да өзі қыз мінезді. Шашы да ұзын болады.

– Біз дәл қазір «Әкеге апарар жол» картинасының жабық көрсетілімінен шықтық. Фильм ұнады ма деп сұрайын десем, ұнады деп айтасың. Несімен ұнады?

Еркебұлан Тоқтар, актер:

– Өте керемет. Эмоцияға толып шықтым. Былай спойлер айтпай-ақ қояйын, адамдар өздері келіп көрсін. Өздеріне ұнайды деген ойдамын.

Бағжан Данай, «BayGUYS» актеры:

– Рамазан, Әлихан үшеуіміз бір жылдары...

• Әлихан ол «Әйгөйлектегі».
• «Әйгөйлектегі» Әлихан үшеуіміз бір жылдары, менде газель бар кезде оптовый арбуз алып, Талғарда сатқанбыз.
• Ол қай жылы?
• Карантиннің алдында, 2019 ғой деймін.

Сымбат Сағындық, @symbat_sagyndyk

– Біз дәл қазір Рамазан Амантайдың «Әкеге апарар жол» толықметрінің жабық көрсетілімінен шықтық. Күрсініс, күлкі, көз жасы... Көрермен керегін алады деген сенімдеміз.