2020 ең табысты фильмі қандай?

Пандемия киноиндустрияны да аямағаны сөзсіз. Десе де, 2020-шы жылы карантинге қарамастан, көптің таразысына салынып, кассалық жиынымен таңқалта алған фильмдер жетерлік. Оның үстіне су жаңа ленталар ақылы стриминтік платформалар арқылы өз шығынын ақтай алған-ды.

Сонымен, 2020-да табысты туындылар көшін «Bad Boys» бастап тұр. Уилл Смит пен Мартин Лоуренс басты рөлді сомдайтын лента 419 млн доллар кіріс көрген-ді. Еске салсақ, сиквел 17 жылдан кейін кезекті бөлімімен көрерменге жол тартып отыр.

Джим Керридің қатысуымен таспаланған «Соник кинода» да кірісті ленталар арасында. Әйгілі әзілкеш басты рөлдің бірін сомдаған лента $306 млн доллардан астам пайда көріп, әлем бойынша екінші орында. Еске салсақ, комедия компьютер ойындарының кейіпкері Соник туралы таспаланған.

Үздік үштікті 223 млн доллар қаражатпен «Дәрігер Дулиттлдің таңғажайып саяхаты» картинасы қорытындылайды! Фэнтезидің табысты болуына голливуд жұлдызы Роберт Дауни-Кіші бой көрсетуі көп сеп болса керек. Ал жануарлардың дауысын лентада Том Холланд, Рами Малек сынды топ актерлардың өзі дыбыстаған.