«Миссия невыполнима» фильмі кезінде Том Круздың күллі әлемге танылуына септігін тигізсе, енді міне жеке өміріне де пайдасын әкелуде. 58 жастағы актер: «Әйгілі франшизаның жетінші бөлімі Хейли Этвелл екеуімізді табыстырды», - деп отыр. Еске салсақ, жұлдызды жұп соңғы жарты жылды жұмыс бабымен бірге өткізген-ді. Олар тіпті Италия, Ұлыбритания мен Норвегияда түсірілімде болған.

«Әкемнің қарамағында қалдым!» Бритни Спирс сот шешімімен тағы бір жыл ет жақынының қамқорлығында болмақ. Жүйкесі жұқарып, денсаулығы сыр берген әншіге заң бойынша Джейми Спирс бас көз болуы керек. Бұл дегеніміз поп-орындаушы 2021-дің қыркүйек айына дейін әкесіне толықтай тәуелді болмақ. Алайда құзырлы органдардың шешімімен келіспеген Бритни сот арқылы бұл мәселені тағы да қарастыруды өтінбекші.

Ариана Гранде әлемдегі ең сұраныстағы поп әнші атанды! Өнерпаз дәл осы жылы әндері стримингте ең көп тыңдалған орындаушылар арасында көш бастап отыр. Бикештің «Positions» альбомы тіпті, Азияда үздік атанып, оңтүстік корейлік бойзбенд «BTS»-тің өзін шаң қаптырған-ды. Сондай-ақ, музыкалық чарттарда топ жарған Гранденің бейнеклиптері «youtube» платформасында 165 млн қаралыммен «үздік» деп танылған.