Бір жарым жыл бұрын көңіл жарастырған жұлдызды жұп әуел бастан қарым-қатынасын жұрт назарынан тыс ұстайтын. Тіпті, Тейлор мен Джо алты ай бұрын сөз байланысқанын жасырып қалуға тырысқан-ды. Енді міне, күні кеше Свифтың той көйлегімен түскен фотосуреттері желіде тарап кетті.

Соған қарағанда, ғашықтар тағы да ешкімге айтпай, заңды некеге отырса керек.

Ариана Гранденің өмірінен сыр шертетін толықметрлі фильм ұсынылмақ! Әлемге әйгілі әнші туралы «Excuse me, i love you» атты документалды картинаның алғашқы трейлері жарыққа шықты. «Netflix» студиясы таспалаған туындыда поп-орындаушының 2019-шы жылы, әлемдік турне кезіндегі сахна сыртындағы қиындықтары мен қызықтары баяндалады. Тұсаукесер 21-ші желтоқсанға жоспарланып отыр.

«Disney»-мен біріктік! Кардашьяндар әулеті әйгілі киностудиямен келісімшартқа отырды. Енді «Disney» компаниясы атышулы отбасы жайлы телехикая таспаламақ. Еске салсақ, осы уақытқа дейін «Кардашьяндар шоуы» арқылы танылған сылқымдар аталмыш жобанының түсірілім жұмыстарын тоқтатқан еді. Еске салсақ, 14 жыл бойы көрермен назарына ұсынылған туынды басы-қасы 20 маусымнан тұрады.