21 жастағы Бруклин Бекхэм мен 25-тегі Никола Пельтц биыл сөз байланысқан-ды. Алайда, жұлдызды жұп қуанышын атап өтуге асықпай, той күнін кейінге шегеріп келген. Енді міне, ғашықтар неке келісімшартын жасасқаны белгілі болды. Маңызды құжатта әсіресе мүлік мәселесі кеңінен қарастырылған. Мәселен, жұлдызды жұп ажырасатан болса, екеуінің тек ерлі-зайыпты ретінде тапқан табысы ғана теңдей бөлінбек.

Анджелина Джолиды тұрмыстық зорлық-зомбылықтың құрбаны атанған әйелдердің жағдайы алаңдатады! Голливудтық актриса зәбір көрген аруларға арнап, видео таспалады. Онда киножұлдыз отбасында қиындыққа тап болған сәтте не істеу керек, қандай амалдарға бару керек екенін түсіндірген. Анджелина Harper's Bazaar-мен бірлесе ұсынған бұл жоба арқылы көмекке зәру сылқамдарға қол ұшын созбақ.

Жуырда ғана сәбилі болған Кэтти Перридің бақыттан басы айналып жүр! Орландо Блумның жұбайы желіде аналық өмірінің қызықты сәттерімен әрдайым бөлісіп отырады. Бұл жолы өнерпаз Ариана Гранденің өзінің кішкентайына жасаған сыйлығын көрсетіп мақтанды. Гранде Пэрридің кестетігеріне Givenchy брендінен комбинезон сатып алған көрінеді. Ал мұндай тартуға Кэти дән риза.