«Ирина Қайратовна» тобының су жаңа «Көке» трегі тыңдалымы жоғары туындылар қатарында! Тың туынды отандық «Itunes» чартының үздіктері арасынан табылды! Ал аталмыш тізімде жігіттерге шаң қаптырған қай музыкант? Қазір анықтаймыз!

Карантин кезінде музыканттардың тың туындылары үлкен сұранысқа ие болып жатыр. Дәл сондай үздік орындаушылар көшін EMIN бастайды. Әзірбайжандық әншінің жерлесі JONY-мен бірлесе шырқаған «Камин» әуені көпке ұнаған.

Жарық көре салысымен ТМД-дағы музыкалық чарттардан табылған трекке қос өнерпаз бейнебаян таспаламақ болған да еді. Алайда, коронавирус кесірінен EMIN мен JONY бұл істі кейінге шегеруге мәжбүр.

Су жаңа болмаса да, The Weeknd-тің «Blinding Lights» әні Itunes тізімінде екінші! Сондай-ақ, хип-хоп орындаушының ыстығы басылмаған «In Your Eyes» трегі де отандық меломандар арасында сұраныста. Жуырда ғана «After Hours» жинағын жарыққа шығарған рэпердің шығармашылығына шыңдап кіріскендей.

Тағы да JONY! Әсем дауысты орындаушының Androмен бірге ұсынған «Мадам» әні үздіктер үштігін тұйықтайды. Еске салсақ, трек жарық көргелі бері, Itunes тізімінен түспек емес!

Сондай-ақ, туындыларымен тыңдарманды тәнті еткен муызканттар арасында «Көке» трегімен Ирина Қайратовна да бар. Одан өзге Скриптониттың «Москва любит» әуені мен Дрейктің «Toosie Slide» әні сұраныста.