Ұзақ уақыт көзден тасада жүрген «Ninety One» тобы тың жаңалықпен сахнаға қайта оралды! Бұл жолы ұжымның мүшесі A.Z басты назарда. Рэпер соло әнші ретінде дебют алып, алғашқы альбомының тұсауын кесті.
Еске салсақ, A.Z алғаш рет күллі кью-поп орындаушылардың басын қосқан Q-fest шарасында жеке әнін айтқан еді.
A.Z, «Ninety One» тобының мембері:
- Бірінші, есте қалған q-fest-те шыққан мен, дебют алғам сол жерде. Сол жерде қатты қорыққам бүгінде негізі қорықтым. Бірақ бәрі жақсы, ойдағыдай.
Әдетте топта өнер көрсетіп үйренген A.Z дебют алудан біраз тартынғанын жасырмайды. Ал оның тырнақалды «Ою» атты трегінің тұсауы кесілген бойда, иглз біткен Азамат «Ninety One»-мен қош айтыса ма» - деп, топшылады.
Алайда, A.Z-дың соло орындаушы ретінде өнер көрсетуі 91-ліктерге еш кедергісін келтірмек емес! Ұжым продюсері Ерболат Беделханның айтуынша, жігіттердің әрқайсысын жеке әнші ретінде шығару бұрыннан жоспарда болған. Мәселен, бұл күні A.Z-мен қата, Зак та өзінің төл туындысын тыңдарманға ұсынды.
ZAQ, «Ninety One» тобының мембері:
- Бұл әлі дебют емес. Бұл әзірге предебюттың предебюты. Иә, бұл алдын-ала кішкене разминкасы. Дебюттың интросы. Сондай бүйтіп қызып алу. Алдын ала кішкене көрсету. Шамаман осындай бірдеңе болып қалады-ау деген сияқты жобалар ғой.
Осылайша, ZAQ жеке әнші ретінде өнер көрсетуге қызу дайындық үстінде екенін айтып қалды. Қысқасы, күллі иглзды алда талай тосынсыйлар күтіп тұр!
A.Z, «Ninety One» тобының мембері:
- Негізінде жалпы альбом, 16 тректен тұрады. Оның сегізі қазір жүктелді. Қалған сегізі білмеймін жарты жыл аралығында шығып қалар. Бейнебаянға дайындық үстіндеміз. Алдағы уақытта көре жатарсыздар. Рахмет көп-көп.
