Кеше ғана жаңа жасын атап өткен Кәмшат Жолдыбаева қазнет қолданушыларын өзіне қаратты. Төсек үстінде тәтті торттан дәм татып, төсін ашқан өнерпаздың суретін көпшілік сынға алды. Қазақтың қызы деген атқа лайық емес деген желідегілер, «Жолдыбаеваның көйлегі барған сайын қысқарып келеді», - деп ренжуде.

Ештеңеден қорықпайтын Нұрболат Абдуллин Мальдив аралының кезекті қонағы. Өнерпаздың демалыстағы көріністері желі қолданушыларын Жолдыбаевадан кем шулатпады. Кокосты кеудесіне қойып, назарды өзіне аударған жігіт әбден сын астында қалды. Десе де, серіміз мінсіз дене бітімімен мақтануды доғарар емес.

Айқын Төлепберген Нұр-Сұлтан қаласының тұрғындарын шақырады. Жанды дауыста кеш бергенді жаны сүйетін әнші бұл жолғы концертіне дайындық жүргізуге уақыты жоқ сыңайлы. Өйткені Төлепберген мырза Аргоня атымен танылған әнші Арғын Аусаровпен бейнебаян түсіріп жатыр. Бейнебаянға Аргоняның «Сендей ару жоқ» әні таңдалған.