Ева Лонгория, Николь Кидман бастаған голливудтың сұлулары «Producers Guild Awards» марапатының қызыл кілеміне жиналды. Отыз жылдық тарихы бар бұл шараның мақсаты – киноөндірістегі кіл мықты продюсерлер мен режиссерлардың ерен еңбегін атап өту.

Шарлиз Терон, актриса:

- Бұл біз үшін ерекше кеш. Шарада тіпті продюсерлермен бірге суретке түсіп алуға да мүмкіндік болады. Әдеттегі түсірілім емес, киногерлердің басын қосатын керемет алаң дер едім.

Кілең киногерлер жиылған бұл кеште Брэд Питт бірінші болып сөз кезегін алды. Актер ағынан ақтарылып, көсіле сөйледі.

Брэд Питт, актер:

- Шынымды айтсам, актерлік мансабымды енді бастағанда осы режиссерлар күні бойы, түсірілім алаңында үстелде отырғаннан басқа не істейді деп ойлаушы едім. Уақыт өте, сіздердің еңбектеріңіз зор екенін түсіндім. Дәл осындай марапатқа лайықсыздар.

Кинокеште қазылар алқасының пайымымен, «1917» тарихи туындысы тағы бір жүлдені қанжығалады. Аталмыш лентаның киногерлері «театрларндырылған фильм» номинациясы бойынша жеңімпаз.

Ал анимациялық туындылар арасынан «Ойыншықтар хикаясы» мультфильмінің ұжымы жеңімпаз атанды.

Телехикаялар да бұл кеште назардан тыс қалмады! «Чернобыль» сериалының сәтті шығуы – сөзсіз Йохан Ренк бастаған киногерлердің еңбегінің арқасы.

Николь Кидман, актриса:

- Бүгінгі жеңіске жеткен барша әріптестерімді құттықтаймын. Бүгінгі кеш нағыз киномереке болды.