Жаңа жыл жақындаған сайын, әлемнің әйгілі журналдары үздіктерді анықтап, өз қорытындысын жасап жатыр. Соның бірі – Billboard басылымы 2019-дағы табысты альбомдар тізімін ұсынды. Музыкалы чарттың пайымынша, Ариана Гранденің елді шулатқан «Thank U, Next» трегі – бірінші.

Billie Eilish болса, сөзсіз биылғы жылдың жаңалығы. Оның «Bad Guy» трегі әлемнің әр елінде шырқалса, сылқымның есімі талай музыкалы марапаттарда аталды. Сондықтан, «When We All Fall Asleep, Where Do We Go?» жинағы үздіктер арасынан табылуы орынды құбылыс.

Ал Тейлор Свифтте тағылған атақ пен тапсырылған марапат саны күн сайын артпаса, кемімек емес! Енді міне, оның «Lover» үнтаспасы Billboard-тың үздіктер үштігін тұйықтап отыр.

Бодипозитив әнші Лиззоның «Cuz I Love You» альбомы да 2019 жылдағы мықтылар арасынан табылды. Өнерпаз, әр әнінде адамды өзін-өзі сүюге шақырады. Сондай-ақ, «үздік альбомдар» ондығында «Norman F-king Rockwell» туындысымен Lana Del Rey, «Oasis» жинағымен J Balvin & Bad Bunnу де бар.