Әлемге әйгілі, оңтүстік корейлік «BTS» тобы жанкүйерлерін үйде болуға шақырады! K-pop ұжым карантин кезінде күллі армиді қуантып, ерек видео ұсынды. Ютуб платформасында бірден 6 млн-нан астам қаралым жинаған туындыда мемберлер үйде «Boy with Luv» әнін шырқайды.

BTS бойзбендіне мұндай идеяны америкалық танымал тележүргізуші Джеймс Корден ұсынса керек. Жігіттер, бұған дейін Джеймспен тікелей эфир арқылы сұхбаттасқан да еді.

Әйгілі актер Адам Сэндлердің видеосы да қаралым жағынан топ жарды! Актер карантин кезінде қол қусырып жатқан жоқ. Голливуд жұлдызы гитараның сүйемелденуімен жанды дауыста коронавируспен күресіп жүрген дәрігерлерлерге арнап ән салды. Еске салсақ, бұл киногердің көпшілік алдында алғаш рет ән айтуы.

Ал қауіпті вирусқа қарсы тұрған ақ халаттылар болса, бос уақыттарында би билеп, көңілді видео тасалап, көптің көңілін көтерді. Ғаламторда таралған дәрігерлердің мына биі тіпті челенджге айналған.