Елді есеңкіреткен коронавирус індетінің салдарынан сауда орындарында жаппай азық-түлік сатып алу басталды. Олардың арасында танымалдар да бар. Мәселен, Мөлдір Әуелбекова мен Алл-давайлық Шоқан Маратұлы аталмыш дертен қорғану шараларын бастап кеткен. Сақтық үшін бетперде киіп, ең қажетті және ұзақ сақталатын өнімдермен қатар өнер иелері тазартқыш заттар мен иммунитет көтеретін дәрумендер алғанын жазған.

Ал АҚШ-тың Лос-Анджелес қаласында тұратын әнші Лидо да бұл вирустың өздерін айналып өтпегенін айтады. Жергілікті жұртшылық карантинге жабылудан сақтанып, сауда орындарында ұзын-сонар кезекте тұрса, тіпті дүкен сөрелерінде ешқандай тауар қалмаған екен. Сондай-ақ, Досалина ханым, мерекелік шаралардың шегерілгеніне байланысты сүйікті әншісі Селин Дионның концертінің өтпейтініне өкінген.

Бүкіләлемдік карантин Әнші Димаш Құдайбергеннің де жоспарын бұзды. Коронавирустық инфекцияның алдын алуға байланысты әншінің «Арнау тур» әлемдік турнесі аясындағы Еуропаның Прага, Гамбург, Дюссельдорф, Штутгард және Минск қалаларындағы концерттері кейінге шегерілді.