Анна Курникова мен Энрике Иглесиас үшінші рет ата-ана атануға дайындалып жүр. Жұлдызды жанұя жаңалықтарын жасыруға тырысқанымен, тенисшінің домаланған іші бәрін айқайлап айтып тұрғандай. Испандық БАҚ өкілдерінің мәліметінше, Анна ағымдағы жылдың наурыз айында бауырын қолына алуы керек екен. Жүктілігін жасырған ол, жұбайы Энрикемен жағажайда демалып жатқан жерінен камера көзіне ілігіп қалған.

26 қаңтар Калифорния шататы маңында белгілі баскетболшы Коби Брайант 13 жасар қызы Джианна Мария-Онорамен бірге тікұшақтың шатқалға соқтығысуының нәтижесінде, бақилық болған еді. Айтып келмес ажалдың айласына қабырғасы қайысқан Кобидың жары Ванесса Лэйн Брайант бүгінде ауыр күйзеліске ұшырап, сөйлеуден қалған. Тіпті Лэйн төсегінен тұра алмайтын хәлге жетіпті. Тұңғышымен ажал құшқан Кобидың артында тағы үш бірдей қызы қалды.

Дүйім жұрт асыға күткен «Форсаж 9» фильмінің ресми трейлеры көрерменге жол тартты! Басты рөлді Вин Дизель сомдайтын туындыда 2013 жылы түсірілім алаңында ажал құшқан Пол Уокер қайтып оралады. Асылында, бақилық болған актердың рөлін оның інілері Коди және Калеб Уокерлер компьютерлік графиканың көмегімен сомдаған. Сюжеттік желісі ашылып көрсетіле қоймаған туынды, биыл 21 мамырда үлкен экранға жол тартпақ!