Бір жылға жуық шығармашылығынан қол үзген Дуа Липа, тыңдарманының тағатын тауысқанын түсінгендей. Әнші күні кеше «Don't Start Now» туындысының тұсауын кессе, енді міне кезекті «Physical» бейнебаянының тизерін ұсынды. Аталмын әуен, көпшіліктің пікірінше тыңдалымы жоғары трек атануы тиіс. Клиптің толық нұсқасы қаңтардың 31-і жарық көрмек!

Ал Билли Айлиштің ағасы оның су жаңа бейнебаянының жұлдызы атанды! Хит орындаушы режиссерлық тізгінді қолына алып, «Everything I wanted» синглына клип таспалаған еді. Биллидің қолынан шыққан дүние көпке ұнаса керек, бүгінде туынды 23 милиионға жуық қаралым жинап үлгерді.

Хип-хоп орындушы Tyla Yaweh-дің де ұсынары бар! Рэпердің Уиз Халифамен бірлесе шығарған «High Right Now» бейнебаяны жарық көрді. Туындыда Post Malone мен Биг Шонды да байқауға болады. Қос өнерпаз клипқа қатысып, әріптестерін дәл осылай қолдауды жөн көрсе керек!