Көптен бері сахнадан көрінбей кеткен Алмас Кішкенбаев енді - жазушы. Әншінің қаламгер атануына жеке өміріндегі сәтсіздіктер себеп болған көрінеді. Тілшілерге берген соңғы сұқбатында ажырасудан кейінгі күйзелісін ащы сумен ұмытуға тырысқандығын мойындаған еді. Енді ол аталмыш кітабында бар өмірін ашық баяндап бермек. Сондай-ақ, Кішкенбаев мырза тыңдарманын жақын арада жаңа бейнебаянмен қуантпақ.

Махаббат, сүйіс, ынтызарлыққа толы сахналар! Бұның барлығы Dequin -нің жаңа бейнебаянындағы көріністер. Араға 8 ай салып, тыңдармандарын қайта қауышқан әншінің «Убью» туындысы желіні шулатып жатыр. Жаңа альбомға енген аталмыш тректің продюсері Данеляның экс-ғашығы МDее болып шықты.

Азамат Сатыбалдының арманы орындалды. Актер желіде көпшілікпен қуанышымен бөлісіп, сүйінші сұрады. Оған себеп, жақында басталатын жаңа жоба. «Актерлік шеберлігімнің биігін көрсететін уақыт келді», - деп көпті қызықтырған өнерпаз, продюсер Айнұр Көпбасаровамен бірлесе бастаған ісін әзірге құпияда ұстап отыр. Дегенімен премьераны ағымдағы жылдың күз айларында күтуге болады.