«iTunes» чартының үздіктері қатарында жүрген жас музыканттың тағы бірі - Интроверт! Тырнақалды туындысын 2019 жылы жарыққа шығарып, ғаламтор арқылы танылған өнерпаз бірде-бір бейнебаяны болмаса да, жастардың арасында сұраныста.

IntroVert, жас әнші:

- Қазіргі заманда ғаламтор бар. Әлеуметтік деліні тиімді пайдаланып, жетістікке жетуге болады. Қысқасы, қазір жұлдыз болғың келсе, барлығы оңай.

Әрбір әні хитке айналған муызкант бүгінде продюсерсіз жұмыс істейді.

Тіпті, ресейлік бірнеше музыкалық лейблдар Интровертті қарамағына алуға ұсыныс білдірген. Мұндай серіктестіктен бірден бас тартқан әнші еркіндікті құп көретінін алға тартады.

IntroVert, жас әнші:

-Мысалы, ресейлік лейблдарды алсақ, әртістермен қоштасқанда арты дауға ұласып жатады. Бұл әнші үшін тиімді емес, себебі сен артыңнан продюсерлық орталыққа тиесілі дүниені қалдырып кетесің.

Музкантқа отандық продюсерлер де жиі қолқа салатын көрінеді.

IntroVert, жас әнші:

- Баян Есентаева, Алуа Қонарова сынды эстрадада да жүрген танымал продюсерлер менің музыкамды бағалайды. Ол кісілерді жақын танымаймын. Бірақ бірнеше рет кездескенде, музыкамды мақтады.

Бүгінде Интроверттің репертуарында 40-тан астам трек бар. Музыкант жуырда су жаңа албомын да жарыққа шығармақ.

IntroVert, жас әнші:

-Биыл шығатын альбом заманауи бағытта болмақ. Себебі, ауқымды аудторияға арнап дайындап жатырмыз. Жастарға арналған ырғақты әндер көп болады.

Интроверттың жаңалығы бұл ғана емес! Жанкүйерлерін ұзақ күттірген әнші, наурыз айында 3 бірдей трекке бейнебаян таспалауды жоспарлап отыр.