Эшли Грэм тұңғышын аман-есен бауырына алды. 32 жастағы плюс-сайз сәнбике жағымды жаңалығымен инстаграм желісінде бөліскен. «Сенбі, сағат 18.00-де біздің өміріміз түбегейлі жақсы жаққа өзгерді», - деп сүйіншілеткен ол, ұлды болған. Сәбидің есімі әзірге белгісіз.

Бред Питт пен Анджелина Джоли бірігіп алқызыл түсті аққайнар өндірмек! Жұлдызды жұп қайта қосылуға ниетті болмаса да, бизнестерін орта белден қалдырып кеткісі жоқ екен. Бұған дейін қызыл шарап шығарған олардың кәсіптері құлдырамады. Енді тек іскерлік мақсатта жиі кездесетіндерін айтқан екеу, жанкүйерлерінің көңілдерін күпті етіп қойды. Қос жұпқа көз тіккен жұрт олар әлі қосылып кетеді деген ниетте.

Ресейлік рэпер Гуфтың басы бәледен арылмай-ақ қойды. Біріккен араб әмірліктері әуежайында шу шығарған музыкантты жергілікті полиция Мәскеуге ұшырмастан, уақытша ұстау изоляторына қамап тастаған. Бірнеше күн бұрын әмияны, банк карталары мен ақшаларын жоғалтқан ол, есірткіге қатты әуестеніп кеткен көрінеді. Экс-жары Айза Анохина «оны нашадан құтқару керек. Әйтпесе ажал құшады» дейді. Естеріңізде болса, жақында Гуф инстадағы тікелей эфирге есірткі шегіп шыққан болатын.