Әлемге әйгілі «Billboard» музыкалық басылымы тыңдалымы жағынан топ жарған үздік әндерді анықтады! Бұл апта «The Box» трегімен Roddy Ricch көш бастайды.

Еске салсақ, 21 жастағы рэпер өткен жылы ғана дебют алған. Хип-хоп орындаушының тырнақалды «Feed Tha Streets II» микстейпы бірден көпшілік қошаметіне ие болған еді. Ал оның XXXTentacion-ға арнаған "Die Young" әуені ютуб желісінде қаралымы жағынан рекорд орнатты.

Көптен бері соло орындаушы ретінде ән шырқауды сиреткен Джастин Бибер, 3 жыл ішіндегі тұңғыш жеке туындысын ұсынды! Оның «Yummi» трегі тыңдарманға бірден ұнаса керек. Әсем әуен жарық көрген бір аптаның ішінде музыкалы чарттардан табылып, ютуб желісінде 63 миллион қаралым жинап үлгерді. Өнерпаздың айтуынша, бұл еңбек әйелі Хейлиге арнау болып саналады.

Сондай-ақ, Billboard ұсынған бұл тізімнен «DANCE MONKEY» трегімен TONES AND I да табылды. Одан бөлек, Post Malone-ның «Circles»-і мен Селена Гоместің «Lose You To Love Me» әндері де хит туындылар қатарында.