Джаред Лето бой көрсеткен "Морбиус" фильмінің трейлері көпшілікке жол тартты! Sony Pictures студиясы Marvel комикстары бойынша таспаланған кино шытырманға толы. Жанын жегідей жеген қан ауруынан құтылғысы келген жігіт, қанішерлердің алапат күшіне еге болып, лезде зұлым кейіпкерге айналып кетеді. Картинада басты рөлді Джаред Лето сомдаса, одан бөлек, Мэтт Смит, Тайриз Гибсон, Чарли Шотуэлл де қосалқы кейіпкерлер. Фильм ағымдағы жылдың 30-шы шілдесінде прокатқа шықпақ.
Ал күні кеше Елизавета ІІ күтпеген шешім шығарды. Естеріңізде болса, жаңа жылдың алдында 35 жастағы Гарри ханзада мен оның жары Меган Маркл корольдіктен бас тартатындарын хабарлаған болатын. Бірақ күні бүгінге дейін патшалық олардың бұл қылығы жайлы жақ ашпаған еді. Елизавета ІІ британдық арнаға берген сұқбатта, Гарри мен Меган хандық әулеттің барлық қызметі мен талаптарынан босатылатынын және оларды қолдайтынын айтқан.
Джиджи Хадидтің өмірін шытырманға толы толықметрлі фильм дерсің. Күні кеше сүйгені Зейн Маликпен бақыттан басы айналып жүрген бикеш, бүгін сот залында түсінік беруде. Себебі ол Кара Делевиньнің жақын құрбысы. Естеріңізде болса, 2017 жылы «Караны Харви Вайнштейн зорламақ болды» деп іс қозғалған болатын. Оқиғаның жай-жапсарын Джиджи білетін болып шықты. Енді екі жылдан бері бітпеген даудың жақын күндері нүктесі қойылмақ.
