Уилл Смиттің өнердегі әріптестері Джонни Депп пен Эмбер Херд дауласуда. Үш жыл бұрын ажырасып кеткен экс-жұптар, бірін-бірі айыптауын доғарар емес. Бұл жолы Депп, бұрынғы әйелінің жасанды қылықтарын жария етті.

Джонни Депп 2016 жылы өзін ұрып соқты деп айыптаған экс-жұбайы Эмбер Хердтің сөзін жоққа шығарған еді. Актер жазықсыз жала жабылды деп, өзін ақтап алуға барын салып жүр. Тіпті ол, кезінде Эмбердің дәлел ретінде көрсеткен бірнеше суреттерін, жалған деп отыр. Депптің пікірінше, Херд ол фотоларда бет-әлпетін бояп алған.

Сиара студент атанды. 33 жасқа келген әнші Гарвард университетіне оқуға түскен. Жоғарғы білімді өз уақытында ала алмаған өнер иесі, әлі де кеш еместігін жеткізді. Себебі Сиараның кезінде шығармашылықтан бос уақыты болмаған. Сәті енді түсті деген америкалық поп-орындаушы, медиа саласын байқап көрмек.

Рианна «регги» жанрында альбом дайындауда. Әнші 1960-шы жылдардан бастау алған дәл осы бағытта бірнеше тректер әзірлеп қойыпты. Риридің өткен жылдан бері уәде етілген үнтаспасы, туған жеріне арналады. Өнерлі бикештің су жаңа жинағы «R9» атауына ие болған.