Голливуд жұлдызы Уилл Смиттің да шығармашылығы шарықтауда. Актер су жаңа «Аладдин» фильмінде басты кейіпкерлердің бірін сомдайды. Алайда сері, дәл осы картинаға түсуден қорыққан екен. Себебі неде?

Талай фильмдерде, түрлі кейіпкерлердің рөлін сәтті алып шығып жүрген Уилл Смиттің актерлық шеберлігіне күмән келтіру мүмкін емес. Әрбір образын мінсіз сомдап шығатын талантты актер, алғашқыда «Аладдин» картинасына түсуден жасқанған көрінеді.

Уилл Смит, актер:

- Білесіздер ме, мен алғаш сценарийді оқығанымда, кейіпкерімнің образын дұрыс жеткізе аламын ба деп қорықтым. Шығармашылығымдағы ең қызықты жобаға қатты қобалжығанымды жасырмаймын.

Уилл Смит әйгілі фэнтезиге арналған ремейктің жарыққа шығу қарсаңында, Беверли-Хиллз көрермендерімен кездесті. Голливуд жұлдызы туындының арқасында өзінің әншілік қабілетін де қайта еске алды.

Уилл Смит, актер:

- Уолт Дисней ғажайыптарға сендіреді. Мен бұл фильм арқылы жастық шағымды еске алдым.

Уилл Смит шығармашылығын рэп әлемінен бастаған. Алғашында музыка саласында тер төккен сері, бүгінде кино жұлдыз.